Сурхондарё  вилояти ҳамда Беруний тумани  биринчилардан бўлиб ғалла режани биринчи бажарди.

Сурхондарё вилояти ҳамда Беруний тумани биринчилардан бўлиб ғалла режани биринчи бажарди.

Сурхондарё вилояти ғаллакорлари мамлакатимизда биринчи бўлиб давлатга ғалла топшириш режасини бажарди.


Бу ҳақда Ўзбекистон Республикаси Қишлоқ хўжалиги вазирлиги матбуот хизмати маълум қилди.


Вилоятнинг давлатга дон сотиш режаси 266,2 минг тоннани ташкил этиб, амалда 100 фоиздан ошириб бажарилди. Хусусан, Ангор тумани 142, Жарқўрғон, Музробод, Термиз ва Сариосиё туманлари – 107-110 фоиз, Бойсун, Қизириқ ва Шеробод туманлари – 101-103 фоизлик кўрсаткичга эришди.


Ўзбекистон Республикаси Вазирлар Маҳкамасининг 2018 йил 30 сентябрдаги “2019 йил ҳосили учун кузги бошоқли дон экинлари навларини жойлаштириш ва бошоқли дон етиштиришнинг прогноз ҳажмлари тўғрисида”ги қарори ижросини таъминлаш мақсадида ҳудудда жорий йил ҳосили учун 93 минг гектар суғориладиган ва 4,2 минг гектар лалми майдонларда кузги бошоқли дон экинларини экиш ишлари амалга оширилди. Суғориладиган майдонларда тизимли равишда “занг” касаллиги, зараркунандалар ва бегона ўтларга қарши профилактик кимёвий ишловлар ўтказилди. Бундай ишларни ўз вақтида ва сифатли амалга оширишда омилкор деҳқон ва фермерлар катта жонбозлик кўрсатди.


Айни пайтда вилоятдаги ғалла далаларида ўрим ишлари қизғин давом этмоқда. 

 

Беруний тумани ғаллакорлари Қорақалпоғистон Республикасида биринчи бўлиб давлатга дон сотиш режасини бажарди.

Жорий йилнинг ҳосили учун туманда 194 та фермер хўжалиги томонидан 3 минг 350 гектар майдонда ғалла етиштирилиб, давлатимиз хирмонига 7369,4 тонна дон топширилди. 


Етиштирилган ҳосилни нест-нобуд қилмай йиғиб олиш мақсадида 27 та комбайн сафарбар қилиниб, ҳар бирига 3 тадан юк автомашинаси бириктирилди. Тумандаги Абай номидаги, “Дўстлик”, Беруний номидаги, “Бийбозор”, “Шимом”, Навоий номидаги ва “Қизилқалъа” овул фуқаролар йиғини ҳудудларидаги фермер хўжаликлари юқори ҳосилдорликка эришди.

 


–Жорий йилда 78,1 тонна ўрнига 140.4 тонна дон йиғиб олиниб, шартномавий режани туманда биринчилардан бўлиб бажардик, – дейди «Шимом» овул фуқаролар йиғини ҳудудидаги «Уста Ибрагим» фермер хўжалиги раҳбари Мусо Бобожонов.– Ҳосилдорлик ҳар гектардан 61,2 центнердан тўғри келди. Фермер хўжалигимиз ғаллачиликнинг ўзидан 80 миллион сўм соф фойда олишни режалаштирмоқда.


Туман фермер хўжаликлари режага қўшимча яна 2700 тоннага яқин ғалла йиғиб олиш бўйича ўрим-йиғим ишларини давом эттирмоқда. 

 

 

 

Манба:  http://cc.uz/161ph   ва http://www.uza.uz/oz/business/beruniylik-allakorlar-rezhani-birinchi-bazhardi-19-06-2019